- 相关推荐
对《活出全新的自己》《遇见未知的自己》的读后感
睇完哩两本书，然后根据自己既情况，我谂左好多。我忽然觉得好迷茫，我好似入左一个迷宫一样，我唔知道自己想点，唔知道点行出黎。我有时候好似好开心，无烦恼一般，有时候睇到一D电视剧或者电影既时候，却会变得好低落，好容易流眼泪。一时好坚强，一时好脆弱；一时好清晰知道谂咩，一时模糊不清；一时清醒，一时沉迷。点解会系咁?工作，我未上班之前，总系会同自己讲，我今日要努力完成我自己既工作，可惜到左办公室却唔知道由边度做起，做下做下甚至会想掉低手头既工作，想行出外边透下气。我点解会变到咁无冲劲?我以前唔系咁噶，我以前好钟意上班，好享受我份工作。点解依家会系咁既状态?
爱情，好似成为我一种严重既心病，我好清楚我钟意拒，身边既人一直问我钟意拒咩?我答唔出，我亦搞唔清点解我会放唔低拒，我明知道好多嘢都无可能令我可以同拒一齐。对拒，我已经分唔清系一种咩感觉，拒好似成为我左我生活上既一部分，无左拒，我觉得生活变得有D怪，不过有时候我又会觉得其实有无拒，我生活咪一样无变过。好矛盾既感觉，有时候偏偏会自己唔准稳拒啦！要杜绝晒拒既一切，但系唔过几日又会忍唔住稳拒。哩种感受，我好想去改变，有无人可以教我点做啊?
我仲记得拒同我分手既果日，我响部公交车度听住拒响电话同我讲："你唔信我，咁你同我一齐都无意思啦！"几简单既一句说话，就可以讲一切都改变，我响文化公园落左车，行过人民桥，行过江边，望住条珠江，我忽然觉得条珠江好深好深，D风吹落我身度，我觉得好重好重，压到我个心完全透唔到气。直到今日我写哩篇读后感，我谂翻起我都系流眼泪。
睇晒哩两本书，我知道宽恕系一种解脱，有时候当身边既人问起拒，拒就好似我心里面既一个缺口，我经常同自己讲，无打开果道门，等拒做我永远既秘密，仲记得拒离开我果阵，我有几次上班既时候，我过马路果阵，D车经过我身边，我有一瞬间我真系好想等部车撞过黎，我就可以咩都唔使谂，或者撞到我失忆，忘记拒同我之间既一切。
以前我以为自己好坚强，咩都可以解决到，唔需要依靠任何人，但系今次我输左，输左俾拒啦！我无谂过拒离开我，我会咁生不如人，琴晚我又俾我老豆闹啦！我唔想去相信拒系我老豆口中所讲既果种人，但系连我自己手上都无任何筹码去同我老豆抗争，我只可以等时间慢慢淡忘一切，等伤口慢慢埋口，可能拒从来都无觉得我有几爱拒，可能拒从来都无真心钟意过我，可能。好多可能，今年年初一我拜神，我同神仙讲："麻烦你保佑我用一年时间重新振作，重新生活，忘记过去。"
最后我要同拒讲："李英杰，我唔想去相信你系我老豆所讲既果种人，但系我仍然要感激你教我既一切，或者你系上天俾我既磨练，等我渡过左，或者我可以更加成熟，更加识珍惜我身边拥有既一切，更加明白我所得到既嘢唔系理所当然，系需要去经营，去关心。我亦已经尽晒我既一切能力爱过你，虽则唔可以讲做得好好，只求无愧于心。"
【对《活出全新的自己》《遇见未知的自己》的读后感】相关文章：
《遇见未知的自己》读书笔记02-18
遇见未知的自己读书笔记04-13
遇见未知的自己读书笔记15篇05-06
活出全新的自己读后感01-21
活出自己作文03-15
活出自己的说说01-17
活出自己作文01-06
活出自己作文03-15
遇见未知的自己读后感04-08
《遇见未知的自己》读后感09-02